وإنت رايح الجيم خد معاك فوطة تمسح بيها عرقك من على الأجهزة
💁♂️ ماتتمرنش بجهاز واحد في الجيم كله طول اليوم وتخلي الناس تقف وراك طابور
💁♂️ما تتكلمش وتفتح مواضيع وإنت بتتمرن وركز في تمرينك علشان تستفيد
💁♂️ خد معاك هيدفون تسمع فيها اى حاجة وتتجنب الناس الرغاية اللي بتيجي الجيم تتناقش في مشكلة حيوان الكوالا
💁♂️ الدامبل اللي خلصت لعب بيه رجعه مكانه .. لو سمحت ☺️
💁♂️ ساعد الناس في التمرين علشان تلاقي اللي يساعدك .. ولو مابتعرفش تساعد إعتذر بشياكة
💁♂️ ماتقولش لحد إنت خاسس على فكرة .. خليك في حالك أرجوك انت متعرفش هوة بيمر بى اية فى حيااتو
💁♂️ بعد ما تخلص لعب بالبار ال ٣٠٠ كج فضي منه الأوزان وماتسبهوش وتمشي وتلبسه للغلبان اللي بعدك علشان يفضيه
💁♂️ لو حد مبتدأ سألك عن حاجة ماتعرفهاش قوله ماعرفش وخليه يسأل كابتن الجيم او حتى لو تعرف خلية يسال الكابتن احسن وخليك فى تمرينك وركز فية
💁♂️ بلاش تندمج مع الأغاني اللي بتسمعها في الهيدفون وتبدأ تكتشف موهبتك وتسمع الناس صوتك اللي غالبا هيكون جميل قوي😂
💁♂️ما تشيلش وزن تقيل من غير مايكون معاك زميل واقف يأمنك
💁♂️ الدامبل اللي خلصت لعب بيه رجعه مكانه .. لو سمحت ☺️
💁♂️ لو بتتمرن في جيم ميكس ماتبصش للبنات وهي بتلعب سكوات 🙂🙂
💁♂️ إتأكد إنك إستخدمت مزيل العرق بتاعك قبل ما تروح التمرين
💁♂️ ماتشربش من إزازة حد حتى لو إستأذنته ووافق مُحرج .. هات معاك ماية
💁♂️ما تقولش لحد إنه بيلعب غلط لو ماطلبش منك
💁♂️ الدامبل اللي خلصت لعب بيه رجعه مكانه .. لو سمحت ☺️
💁♂️ ما تروحش الجيم لو مش هتلتزم بكل اللي إتقال فوق
️كابتن عمر ❤️
0 التعليقات:
إرسال تعليق